Ola Elias Bergersen er frå Jæren og har spela i Varhaug skulekorps fram til det vart nedlagd i 2019. Lærarar har vore Nigel Fielding i Hå kulturskule, og no Arild Mjaaland på Vågen vgs der han går 3. året. Neste år skal han til  brassbandlinja på Manger folkehøgskole, og etter det vil han satse vidare på musikk.

Sebastian Løining Todnem er frå Sandnes og går nå siste året på Vågen vgs med Tommi Haukland som slagverklærar. Han har spelt trommer i 9 år i Bogafjell skolekorps, og spelar også i Sverre Sigurdsons musikkorps. Etter videregående vil han til Gardemusikken.

Hedda Frøland og Shaili Aminzadeh er begge frå Sandnes, og begge går i 2. klasse på Vågen med Stacy Dixon som obolærar.

Shaili er frå Stangeland, ho har spela obo i 6 år og er med i Stangeland skolekorps og også i RUSO, Rogaland ungdomssymfoniorkester. Ho er også ei av tre som er plukka ut som ungt talent og får spele i Stavanger Symfoniorkester på fire konsertar.

Hedda er frå Lura og har spela i skolekorpset der, og i Sverre Sigurdson. Ho er også utplukka til Ung filharmoni, eit prosjekt i regi av Oslofilharmonien, og spelte nyleg Mahlers 1. symfoni saman med dei. Så begge har ein solid bakgrunn, og nå får dei også solistoppdrag med Skeiene Janitsjar på sin CV.

Fredrik Fluge James er snart 14 og har spela horn sidan 8-årsalderen Han spelar i Eiganes skole­korps og Utøvande talent i Bjergsted og har Tone Stang Våland som hornlærar. Han spelar og dagleg med sin far Steven som er solohornist i Stavanger symfoniorkester. Han har deltatt i, og vunne fleire konkurransar, bl.a. to førsteprisar i Ungdommens musikkmesterskap i Oslo, og har fleire topplasseringar i Rogalands-mesterskapet.